Protis

Protiste Tydperk: Neoproterosoïes – Onlangs
Wetenskaplike klassifikasie
Domein:	Eukaryota
Koninkryk:	Protista Haeckel, 1866
Tipiese fila
Chromalveolata Heterokontofita Haptofita kriptomonade Alveolate Dinoflagellate Apikomplekse Siliate Ekskavate Euglenosoë Perkolosoë Metamonade Rhisarieë Radiolarieë Foraminifera Kerkosoë Argaeplastide (gedeeltes) Rhodofita (rooi alge) Gloukofita (basale argaeplastide) Unikonta (gedeeltes) Amoebosoë Goanosoë Baie ander; klassifikasie wissel

Protiste is eensellige eukariote. Die bekendste protiste sluit in amoebas, Plasmodium spp., Giardia spp. en die Dinoflagellate, die organismes wat rooigety veroorsaak. Verskeie evolusieteorieë gaan van die veronderstelling uit dat hoër plante en diere uit hierdie primitiewe organismes ontwikkel het. Van die bykans 45 000 bekende spesies word 20 000 slegs in fossielvorm op aarde gevind. Eenselliges kom oral op aarde voor, en die plankton in die oseane huisves 'n groot aantal eenselliges. Ander spesies voer weer 'n parasitiese bestaan in ongewerwelde en gewerwelde diere. Eenselliges van die genus Trypanosoma is veral vir die mens van belang omdat die draers van tropiese slaapsiekte tot hierdie genus behoort. Ook malaria word deur 'n eensellige parasiet veroorsaak.